Афзоиши шумораи кортҳои пардохтии бонкӣ

Ҳиссаи кортҳои пардохтӣ аз рӯи низомҳои пардохтӣ

Ҳиссаи кортҳои пардохтӣ дар минтақаҳои ҷумҳурӣ

Ташкилотҳои қарзии молиявӣ барои бо пули нақд таъмин кардани дорандагони кортҳои пардохтии бонкӣ 2 811 адад банкомат ва 3 744 адад терминали электронӣ дар нуқтаҳои пешниҳоди пули нақд (НППН) насб намудаанд. Нишондиҳандаҳои мазкур нисбат ба ҳамин давраи соли 2023 мувофиқан 34,4 фоиз ва 20,6 фоиз зиёд мебошанд. Илова ба ин, барои анҷом додани пардохтҳои ғайринақдӣ то санаи ҳисоботӣ дар муассисаҳои савдо ва хизматрасонӣ 7 780 POS-терминал насб карда шуданд, ки нисбат ба ҳамин санаи соли 2023 теъдоди онҳо 68,3 фоиз зиёд мебошад. Инчунин, дар муассисаҳои савдо ва хизматрасонӣ 18 104 QR–рамзи ягона насб карда шудаанд, ки нисбат ба ҳамин санаи соли 2023 72,4 фоиз кам мебошад. Сабаби кам шудани теъдоди QR-рамзҳо гузариши ботадриҷ ба QR-рамзи ягона мебошад.

Шумораи терминалҳои худкори худхизматрасон то санаи ҳисоботӣ ба 9 343 адад баробар гардид.

Динамикаи рушди инфрасохтори пардохтӣ (адад)

Инфрасохтори пардохтӣ барои қабул ва хизматрасонии кортҳои пардохтӣ дар минтақаҳои Ҷумҳурии Тоҷикистон

Вазъи пардохтҳои ғайринақдӣ

Амалиётҳо бо истифодаи воситаҳои электронии пардохтӣ ва ҳиссаи пардохтҳои ғайринақдӣ

Дар моҳҳои январ-сентябри соли 2024 амалиётҳои ғайринақдӣ бо истифодаи воситаҳои электронии пардохтӣ (кортҳои пардохтии бонкӣ ва ҳамёнҳои электронӣ) аз рӯи шумора 73,1 фоиз ва аз рӯи ҳаҷми амалиёти гузаронидашуда 2,1 маротиба афзоиш ёфтааст.