НАЗИРӢ ГУЛБАҲОР НАЗИР

Муовини Раиси Бонки миллии Тоҷикистон

Назирӣ Гулбаҳор Назир 19 сентябри соли 1970 дар Ҷумҳурии Тоҷикистон таваллуд шудааст.

Дастпарвари Институти ордени “Нишони фахрӣ”-дори давлатии педагогии Хуҷанд ба номи С.М.Киров буда, ҳамчунин Донишгоҳи давлатии Хуҷанд ба номи академик Б.Ғафуровро бо ихтисоси забон ва адабиёти рус дар мактаби миллӣ ва иқтисодиёт ва идоракунии истеҳсолот хатм намудааст. Доктори илми иқтисодӣ, профессор.

Мавсуф солҳои 1992-2007 дар кафедраи НДХ факултаи забон ва адабиёти руси Донишгоҳи давлатии Хуҷанд ба номи академик Б.Ғафуров ба ҳайси омӯзгор фаъолият анҷом додааст.

Аз соли 2007 то соли 2011 дар Донишгоҳи давлатии ҳуқуқ, бизнес ва сиёсати Тоҷикистон ба ҳайси омӯзгор ва дотсенти кафедраи назарияи иқтисоди факултаи молия фаъолият кардааст. Солҳои 2011-2015 вазифаи декани факултаи бизнес ва идоракунии донишгоҳи мазкурро ба зимма дошт.

Назирӣ Гулбаҳор Назир солҳои 2015-2020 вакили Маҷлиси намояндагони Маҷлиси Олии Ҷумҳурии Тоҷикистон, узви Кумита оид ба иқтисод ва молия, солҳои 2020-2022 вакили Маҷлиси намояндагони Маҷлиси Олии Ҷумҳурии Тоҷикистон, муовини Раиси Кумита оид ба иқтисод ва молия буд.

Бо Фармони Президенти Ҷумҳурии Тоҷикистон аз 17 августи соли 2022, №425 Назирӣ Гулбаҳор Назир Муовини Раиси Бонки миллии Тоҷикистон таъин гардид.

Номбурда соли 2021 бо мукофоти давлатӣ – медали ҷашнии 30-солагии Истиқлолияти давлатии Ҷумҳурии Тоҷикичстон сарфароз шудааст.

Аълочии маориф ва илми Ҷумҳурии Тоҷикистон, узви Ҳизби Халқии Демократии Тоҷикистон буда, забонҳои англисӣ ва русиро медонад.

Оиладор, соҳиби 4 фарзанд мебошад.