Саҳифаи асосӣ Харитаи сомона Тамос бо мо
НБТ
  • Нишондиҳандаҳои макроиқтисодӣ дар соли 2024
  • Таваррум дар моҳи феврал
    0,3%
  • 3,6%
  • Пулҳои захиравӣ (феврал) млрд. сомонӣ
    36,2
  • Нишондиҳандаи мақсадноки таваррум барои давраи миёнамуҳлат
    6% (±2)
  • Меъёрҳои фоизии сиёсати пулӣ
    (% солона)
    • Меъёри бозтамвил
      (аз 12 феврали с.2024)9,5
    • Меъёри фоизи қарзи
      шабонарӯзӣ (овернайт) - меъёри бозтамвил +3 банди фоизӣ
    • Меъёри фоизи амонати
      шабонарӯзӣ (овернайт) - меъёри бозтамвил -3 банди фоизӣ
    • Меъёри захираҳои
      ҳатмӣ бо пули миллӣ3,0
    • Меъёри захираҳои
      ҳатмӣ бо асъори хориҷӣ9,0
    • Меъёри миёнавазни коғазҳои
      қиматноки БМТ (феврал)5,08%
  • Меъёри фоизӣ дар соли 2024
  • Меъёри фоизи миёнавазни пасандозҳои муҳлатнок бо пули миллӣ (январ - феврал)
    12,57 %
  • Меъёри фоизи миёнавазни қарзҳо бо пули миллӣ (январ - феврал)
    23,06 %
  • Меъёри фоизи миёнавазни қарзҳои байнибонкӣ бо пули миллӣ (январ - феврал)
    13,00%
  • Меъёри фоизи миёнавазни қарзҳои ипотекии манзилӣ бо пули миллӣ (феврал)
    20,74%
  • Меъёри фоизи миёнавазни қарзҳои маишию истеъмолӣ бо пули миллӣ (феврал)
    23,71%




  • Нархномаи ҳаррӯзаи сабикаҳои ченакии тиллои БМТ

Сана: 28.03.2024

Ҳаҷми сабикаҳо,
гр
Нархи бозхарид,
сомонӣ
Нархи фуруш,
сомонӣ
5 3961.42 4041.45
10 7803.34 7960.98
20 15473.21 15785.81
50 38453.68 39230.52
100 76788.01 78339.28

  • Телефонҳо барои гирифтани маълумот оид ба сабикаҳо:
    44-600-32-77, 44-600-32-48

  • Тақвими ахбор
  •       Март      

    Д С Ч П Ҷ Ш Я
    26 27 28 29 1 2 3
    4 5 6 7 8 9 10
    11 12 13 14 15 16 17
    18 19 20 21 22 23 24
    25 26 27 28 29 30 31
  • Яндекс.Метрика

Муаррифии роҳбари нави Ҳайати ХБА дар Бонки миллӣ

29.09.2017

Шарҳи умумии дурнамои иқтисодӣ, таҳкими ҳамкориҳои дуҷониба ва масъалаҳои дигари мавриди назари ҷонибҳо имрӯз, 28 сентябри соли 2017 дар мулоқоти Раиси Бонки миллии Тоҷикистон Ҷамшед Нурмаҳмадзода бо роҳбари тозатаъйини Ҳайати Хазинаи байналмилалии асъор оид ба Тоҷикистон хонум Падамжа Ханделвал, ки ҷаноби Пол Россро дар ин вазифа иваз кард, мавриди баррасӣ қарор гирифтанд.

Дар оғози мулоқот Раиси Бонки миллии Тоҷикистон Ҷ.Нурмаҳмадзода аз сатҳи ҳамкориҳои дуҷониба бо ХБА изҳори қаноатмандӣ намуда, роҳбари нави Ҳайати Хазинаи байналмилалии асъор оид ба Тоҷикистон хонум Падамжа Ханделвалро ба Тоҷикистон хайра мақдам гуфт ва барои фаъолияти минбаъдаи мавсуф дар ин вазифа муваффақият орзу намуд.

Khba_1.JPG

Зимни мулоқоти ҷонибҳо масоили пешбурди сиёсати иқтисодии давлат, вазъи феълии нишондиҳандаҳои макроиқтисодӣ, татбиқи босамари сиёсати пулию қарзӣ, сиёсати фискалӣ, рушди бахши воқеии иқтисодиёт, таъмини суботи молиявӣ, вазъи низоми бонкии кишвар, татбиқи ислоҳот дар ин самт ва тадбирҳои пешбинишуда, зарурати сармоягузорӣ ба иқтисодиёт, аз ҷумла бахши хусусӣ ва татбиқ намудани барномаҳои якҷояи Бонки миллӣ бо Хазинаи байналмилалии асъор мавриди муҳокима қарор гирифт.

Ҳангоми суханронӣ Ҷ.Нурмаҳмадзода қайд намуд, ки бо мақсади ҳамкорӣ ва татбиқи барномаҳои минбаъда бо тавсияи Хазинаи байналмилалии асъор ба қонунгузории низоми бонкии кишвар як қатор тағйироту иловаҳо таҳия ва барои баррасӣ ба Ҳукумати Ҷумҳурии Тоҷикистон манзур карда шуд. Ҷ.Нурмаҳмадзода инчунин дар хусуси интишори нахустини рейтинги давлатӣ ва барориши муваффақонаи коғазҳои киматноки давлатии кишвар (евробондхо) ба бозорҳои ҷаҳонӣ ҳамчун дастоварди нави иқтисодиёти мамлакат ва ҳамгироии он ба иқтисодиёти ҷаҳонӣ махсусан қайд намуд.

Khba_2.JPG

Дар навбати худ хонум Падамжа Ханделвал изҳор дошт, ки ХБА барои тавсеа бахшидани ҳамкорӣ дар самтҳои барои ҷониби Тоҷикистон афзалиятнок, ки дар таъмини суботи молиявии кишвар ва рушди иқтисодиёт нақши муҳим мебозанд, омода аст. Мавсуф зикр намуд, ки ХБА барои ҳамкории дуҷонибаи судманд ҷиҳати татбиқи барнома муайян намудани самтҳои афзалиятноки соҳа ба таври мушаххас аз ҷониби Бонки миллии Тоҷикистон зарурат аст. “Дар ҳолати таҳия ва пешниҳоди ин афзалиятҳо аз рӯи нақша мо омода ҳастем, ки дар сатҳи дафтари асосии Хазинаи байналмилалии асъор онро баррасӣ намоем”, - зикр намуда хонум Падамжа Ханделвал.

Дар навбати худ Раиси Бонки миллии Тоҷикистон Ҷ.Нурмаҳмадзода самтҳои афзалиятноки ҳамкориро барои татбиқи барнома таъмини суботи молиявӣ ва мусоидат ба рушди устувори иқтисодиёт, тақвият бахшидани татбиқи сиёсати босамари монетарӣ ҷиҳати гузариш ба реҷаи нави монетарӣ – ҳадафгирии таваррумӣ, таҳким бахшидани низоми бонкӣ бо пешниҳоди хизматрасониҳои нави босифат ва барқарор кардани эътимоди аҳолӣ махсусан муҳим арзёбӣ намуд.

Khba_3.JPG

“Мо итминони комил дорем, ки сатҳи ҳамкориҳо дар соҳаҳои афзалиятноки болозикр, татбиқи барномаҳои дарозмуддат аз ҷониби ХБА барои низоми бонкии мамлакат ва дар умум ба рушди иқтисодиёти кишвар мусоидат хоҳад кард”, - зикр намуд Ҷ.Нурмаҳмадзода.

Дар мулоқоти корӣ инчунин Муовини якуми Раиси Бонки миллии Тоҷикистон Ҷамолиддин Нуралиев, Муовини Раиси Бонки миллии Тоҷикистон Сироҷиддин Икромӣ, намояндаи Тоҷикистон дар ХБА Илҳом Раҷабов ва роҳбарони дахлдори воҳидҳои сохтории Бонки миллии Тоҷикистон ширкат варзида, бо ҳайати ХБА дар хусуси моддаи IV Созишномаи Хазинаи байналмилалии асъор, ҳамкории бонкҳои тиҷоратии Тоҷикистон ва ИМА дар самти кушодани суратҳисобҳои муросилотӣ, таҳияи нақшаи мушаххас барои татбиқи барнома аз ҷониби ХБА, дастгирии низоми бонкӣ ибрози назар намуданд.

Шуъбаи матбуоти БМТ


Диданд: 3091

Бозгашт


  • prezident

    Имрӯз фурсате расидааст, ки ба қадри яке аз рамзҳои давлатдорӣ – пули миллӣ бирасем, ифтихор намоем ва ба он эҳтиром гузорем.
    Асосгузори сулҳу ваҳдати миллӣ-Пешвои миллат, Президенти Ҷумҳурии Тоҷикистон муҳтарам Эмомалӣ Раҳмон



x
Сатҳи таваррум %
Таваррум
Таварруми аслӣ